земи.мк | Zemk.mk

Posts in the земи.мк category

Zemi.mk 2023 Wrapped

By zemimk
In Инфо
With No Comments
Tagged with mk domain земи.мк хостинг
On 31 Дек | '2023

Еве сме на крајот од уште една успешна година!

Почитувани корисници, Сакаме да ги споделиме со вас клучните моменти кои ја одбележаа нашата 2023 година и го подобрија вашето искуство со нашите услуги за хостирање и регистрација на домени.

1. Целосна транзиција кон „Cloud“ инфраструктура
Со гордост можеме да кажеме дека во 2023-та целосно се преселивме на „Cloud“ инфраструктура. Сите споделени Pro пакети користат јавна „Cloud“ инфраструктура од Linode, OVH и AWS, обезбедувајќи супериорни перформанси и доверливост.

2. Историски најниска цена за регистрација на .mk
На наше големо задоволство, годинава ја намаливме цената за регистрација на .mk домени на најниската во историјата, од само 399 денари.

3. Неограничен простор со Worgen Pro Unlimited
Оваа година за првпат го претставивме Worgen Pro Unlimited, хостинг план со неограничен простор за складирање. Ова ви овозможува слободно да ги проширите вашите онлајн проекти без да се грижите за ограничувањата на просторот.

4. Креирање на ВИКИ – ВИ за предлог на слични доменски имиња
Ја лансиравме ВИКИ, нашиот ВИ асистент кој ви помага со предлагање слични домени кога вашето посакувано име веќе не е достапно. На овој начин го олеснуваме процесот на пронаоѓање на совршен домен за вашите потреби.

5. Соработка со WordPress заедницата преку WordCamp Скопје 2023
Бевме исклучително среќни поради можноста да соработуваме одблиску со .mk WordPress заедницата преку спонзорирање на WordCamp Скопје 2023. Ова ни овозможи да ја поддржиме локалната WordPress заедница и да споделиме знаење.

6. Раст на нашата страница на LinkedIn
Со мало задоцнување годинава конечно креиравме и LinkedIn страница за Zemi.mk, која на наше задоволство расте се повеќе од ден на ден. Следете не за најновите вести, совети и информации од светот на Веб хостингот и регистрацијата на домени.

Бесплатно продолжување на Pro хостинг пакетите од 3 месеци за сите!

By zemimk
In Промо
With One Comment
Tagged with акција бесплатен .mk домен бесплатен хостинг валентин земи.мк
On 12 Фев | '2023

Во деновите на љубовта, поканете ги Вашите најблиски да се приклучат на најдобрата Веб хостинг платформа во Македонија, Zemi.mk, а ние и двајцата ќе ве наградиме со по 3 месеци бесплатно продолжување на датата на валидност на вашите хостинг пакети.

Како да ја искористите акцијата?

Поканете ги вашите пријатели да преминат со нивните веб страници во Zemi.mk со закуп на некој од Pro Веб хостинг пакетите. При регистрација задолжително е во полето „Како дознавте за нас?“ да изберат „Друго“, а во текст полето да го внесат примарниот домен на вашиот хостинг пакет кој сакате да ви биде бесплатно продолжен за 3 месеци. Покрај вашиот, бесплатно ќе биде продолжен и Pro веб хостинг пакетот на вашиот пријател, па така за истата цена наместо 12 месеци, ќе добијат хостинг пакет за 15 месеци.

Како да проверите кој е вашиот примарен домен доколку не сте сигурни?

Најавете се на Zemi.mk (https://zemi.mk/Login.aspx) појдете во контролниот панел, и проверете во делот за хостинг пакети кој е примарен домен за одреден пакет, како што е тоа покажано на сликата.

Услови за користење на акцијата:

Хостинг пакети подобни за користење на акциската понуда за бесплатно продолжување од 3 месеци се веќепостоечки Pro веб хостинг пакети заклучно со 12.02.2023, и нови хостинг пакети регистрирани од нови корисници, со примарен домен кој никогаш не бил хостиран во Zemi.mk.

Нашиот тим ќе врши проверка за исполнување на условите за користење на акцијата. Доколку се утврди дека одреден корисник или корисници не ги исполнуваат или не ги почитуваат условите за користење на акцијата ќе им биде оневозможено користењето на истата.

Пакетот ќе биде активиран, бесплатниот .mk домен регистриран/обновен за една година, а датата на валидност на пакетите продолжена за три месеци, доколку корисникот при регистрација во полето за „Како дознавте за нас?“ избрал друго, и во текст полето го внел примарниот домен на неговиот пријател кој го поканил да премине во Земи.мк, а притоа ги исполнува условите за користење на акцијата.

Еден корисник може да повика повеќе познаници да ги префрлат своите веб хостинг услуги во Zemi.mk, а неговиот хостинг пакет ќе биде продолжен повеќекратно по три месеца.

Земи.мк го задржува правото да ги менува условите или да ја прекине акцијата во секое време или да одбие барање за користење на акцијата. Доколку корисникот не е задоволен од одлуката за ограничување на правото за користење на акцијата може да побара рефундирање на средствата. Доколку правото за бесплатна регистрација или обнова на .mk домен е реализирано, ќе му бидат рефунцирани само остатокот од уплатените средства за Pro веб хостинг пакетот, а хостинг пакетот ќе биде избришан.

Не е дозволено регистрирање на нови хостинг пакети од постоечки корисници како би ги искористиле поволностите на акцијата.

Не е дозволено спамирање и други неетички видови на комуникација со цел промоција на вашиот примарен домен за повеќекратно продолжување на вашиот хостинг пакет. Доколку дојдеме до сознание дека сте ги прекршиле правилата на акцијата вашиот хостинг пакет ќе биде вратен на првичната дата на валидност, пред почетокот на оваа акција, или датата на валидност доколку во меѓувреме сте извршиле обнова на пакетот.

Акцијата почнува на 12.02.2023, а завршува за 14 дена. Земи.мк го задржува правото да ја менува крајната дата за учество во акцијата.

Ново: Можност за додавање на нов контакт за домен кој може истиот да го управува од својот акаунт

By zemimk
In Инфо
With No Comments
Tagged with .mk domen земи.мк менаџерски контакт хостинг
On 17 Сеп | '2019

На барање на корисниците, додадена е можност за секој домен, како .mk така и генерички, да биде доделен „менаџерски“ контакт, лице кое е член на Земи.мк, кое по доделувањето на привилегии ќе може да го управува доменот од сопствениот акаунт.

Ваквата можност ќе им олесни на веб дизајнерите и компаниите кои работат со веб дизајн при управувањето со своите како и домените на своите клиенти. Сега сите домени може да им бидат достапни за управување преку нивниот акаунт на Земи.мк. со што се избегнува досегашната потреба да се најавуваат на посебни акаунти за да вршат промени за домени со различни регистранти.

За да додадете контакт за менаџирање на домен, влезете во Контролниот панел, кликнете Детали за саканиот домен, и веднаш под трите главни контакти е полето за додавање на новиот менаџерски контакт. Сѐ што треба да направите е да ја внесете мејл адресата со која корисникот кому сакате да додадете привилегии за управување се има зачленето на Земи.мк

Мејл комуникација и сѐ за неа

By zemimk
In Инфо
With No Comments
Tagged with .mk domen mail земи.мк мејл хостинг
On 9 Ное | '2018

Електронската пошта не е само еден од најстарите методи за онлајн комуникација, таа и до денес остнува најбараниот канал за електронска комуникација, кој продолжува да се развива. Е-поштата е популарен начин за промоција на вашиот бизнис и најлесна можност вашите клиенти и партнери да се поврзат со вас или едноставно да се разменуваат информации.

Хостинг услугите од Земи.мк нудат можност да создадете е-пошта со вашиот домен. На пример, ако вашиот домен е mojotubavsajt.mk, можете да го креирате мејлот moeimе@mojotubavsajt.mk.

Кои се придобивките од мејл адреса со вашиот домен?

Со таква мејл адреса Вашите клиенти полесно ќе ве пронаоѓаат и ќе можат да се поврзат со Вас во било кое време.
Ќе имате пристап до вашата пошта од секаде, во секое време и од сите уреди.
Покрај преку прелистувачот ќе можете да пристапите до вашата пошта и преку мејл клиент (десктоп или смартфон).
Мејл адреса со Вашиот домен додава на сигурност кај Вашите клиенти и партнери и сите со кои комуницирате преку е-пошта.
Вашата мејл адреса ќе биде препознатлива и лесно ќе се памти.
Имате целосна контрола над вашата мејл услуга.
Имате можност да креирате неограничен број на мејл адреси кои во името ќе го содржат името на вашата веб страница или компанија.

Како да креирате мејл адреса со Вашиот домен?

На почеток најавете се на контролниот панел со деталите за најава кои ви се испратени во мејлот за добредојде. Линкот за најава е vasiotdomen.mk/cpanel.

Откако ќе се најавите од листата со алатки на cPanel изберете ја „Email Accounts“

Потоа кликнете на табот „Add Email Account“ и пополнете ги полињата за да креирате нова мејл адреса со Вашиот домен. „Mailbox Quota“ е можноста за ограничување на големината на поштенското сандаче. Внесете колкав простор ќе и доделите на оваа мејл адреса или изберете „Unlimited“ за неограничена големина на сандачето.

Како да ја проверите Вашата пошта преку прелистувачот?

Доколку вашиот домен е mojdomen.mk, појдете на mojdomen.mk/webmail, внесете ја вашата мејл адреса и лозинката која сте ја задале при креирање и пристапете кон вашето поштенско сандаче.

Како да ја сетирате вашата мејл адреса на мејл клиент каков што е Microsoft Outlook и други десктоп клиенти, како и мејл апликации за смартфони?

За да ја сетирате вашата мејл адреса на некој мејл клиент потребни ви е Incoming и Outgoing сервери за мејл комуникација. За да ги видите вашите појдете во алатката „Mail Accounts“ во cPanel-от. Оттука за саканата мејл адреса кликнете на „Connect Devices“, потоа кликнете на „Set Up Mail Client“.

Овде може да ги видите вашите IMAP Incoming, како и SMTP Outgoing сервери. Наша препорака е секогаш да го користите IMAP протоколот.