Posts by zemimk | Zemk.mk - Блог

Posts in the category

Што е ново на Земи.мк? Домен маркет, афилиејт програма, фриленс платформа…

By zemimk
In Инфо
With No Comments
Tagged with .mk domen афилиејт програма домен маркет продавај домени фриленсер хостинг
On 23 Мар | '2017

Овластениот .mk домен регистрар и веб хостинг провајдер, Земи.мк, од пред неколку денови ја надогради својата платформа. Покрај стандардните функционалности за обавување на дејноста, Земи.мк доби нова партнерска програма.

Партнерската програма е поделена на три алатки.

Домен маркет.

Домен маркетот е можност за сите веб мастери и трговци со домени да ги постават своите домени на продажба по стандардна или премиум цена. Доколку некој го пребара вшиот домен кој е поставен на продажба, ќе му биде прикажана цената кој вие сте ја внеле, со можност да бидете контактирани за продажба на доменот.

Партнерска програма („афилиејт“ програма).

Доколку имате поголем број на домени кои „седат“ неискористени, а бележат посетители, или пак имате портал и ви треба нов канал за заработка овозможете ја партнерската програма за вашиот домен и поставете рекламен банер од Земи.мк или едноставно редиректирајте на уникатниот линк кој ќе ви биде генериран при активирање на програмата. Доколку некој од рефералите од вашиот линк купи услуга од Земи.мк за тоа ќе добиете паричен надомест.

Фриленсер.

За сите фриленсери сега е достапен Земи.мк – Фриленсер. Креирајте сопствено портфолио и понудете ги вашите услуги на високо таргетирана група, корисници на услугите на Земи.мк. Профилите се излистуваат на почетната страна на Земи.мк како и при пребарување на домени. Доколку некој има потреба од услугите кои вие ги нудите може да ве контактира преку порака.

Од неодамна, за сите корисници на Андроид паметни телефони достапна е и Земи.мк мобилната апликација. Апликацијата на корисниците им нуди можност на наједноставен начин и во движење да обновуваат услуги со онлајн плаќање, да менуваат именски опслужувачи како и детали за .mk домените. Како дополнителна функционалност на апликацијата е можноста да го вклучите „UP-Time“ роботот за секој домен и да добивате известување доколку вашата страница е недостапна, и други можности. iOS верзијата од апликацијата треба да биде објавена наскоро.

Покрај овие новини, Земи.мк доби и нов модерен дизајн.

Сите промени се во насока да се креира „one-stop“, македонска платформа за веб мастери. Па покрај неодамнешните надоградувања, тимот на Земи.мк најави и дополнителни кои треба да се објавуваат етапно, во периодот кој следува.

Што е домен маркет? Како да поставам домен на продажба?

By zemimk
With No Comments
On 18 Мар | '2017

Домен маркетот е дел од „Партнерска“, новата платформа на Земи.мк. Во делот домен маркет можете да ги огласите вашите домени кои се регистрирани или префрлени во Земи.мк за продажба, по стандардна или премиум цена.

Стриминг со Winamp и ShoutCast DSP додаток

By zemimk
With No Comments
Tagged with .mk domen radio shoutcast striming аудио стриминг радио станица хостинг
On 10 Јан | '2017

Најпрвин инсталирајте го Winamp

За превземање на Winamp кликнете овде

и превземете го ShoutCast DSP додатокот за Winamp за Windows оперативен систем.

Откога ќе го инсталирате DSP додатокот, стартувајте го Winamp, отворете ги сетинзите (или Preferences) (CTRL+P) и кликнете на подкатегоријата DSP/Effects од Plug-ins. Погледнете ја сликата подолу.

Доколку во десниот дел од прозорецот го гледате Nullsoft SHOUTcast Source DSP додатокот, значи дека истиот успешно сте го инсталирале. Кликнете го за да ги отворите подесувањата за истиот.

SHOUTcast Source DSP

Изберете го “Output” табот од DSP прозорецот. Изберете “Output 1” од листата и, соодветно пополнете ги следниве полиња.

Server Address: IP адресата или HOST кој ви е доделен од Земи.мк

Port: Портата која ви е доделена од Земи.мк

Password: Лозинката за извор (Source Password) која ви е доделена од Земи.мк. Истата можете да ја промените со најава на Centova Cast панелот.

Yellowpage подесувања (детали за радио станицата)

Кликнете на”Directory” табот.
Доколку сакате вашиот стриминиг да биде излистан во SHOUTcast директориумот, штиклирајте го полето “Make this server public” и пополнете ги останатите полиња соодветно.

Encoder подесувања (избор на формат за стримување)
Кликнете на “Encoder” табот.
Типот на енкодер може да биде MP3 или AAC+, нашите сервери ги подржуваат и двата.
MP3 е солиден аудио формат и е подржан од речиси секој аудио плеер. AAC+ е подржан од Winamp и Windows Media Player (со додаток), но на помал квалитет (битрејт) звучи многу подобро од mp3. Изберете паметно.
Во Encoder Settings паѓачкото мени, изберете го битрејтот кој сте го нарачале од нас и, осигурајте се дека “Stereo” е штиклиран.

Забелешка: Доколку се обидувате да стримувате со поголем битрејт од нарачаниот нема да можете да се конектирате, а вашиот сервер можно е самиот да се исклучи, по што е потребно повторно да се стартува од Centova Cast панелот.

Подесувања за влез (изберете го влезниот аудио извор)
Кликнете на “Input” табот. Изберете дали аудио (музика) ќе репродуцирате преку Winamp или некој влезен уред преку специфични подесувања на звучната картица. Секоја звучна картица е различна. За повеќе детали за вашата звучна картица појдете на официјалната веб страница на производителот или дистрибутерот.

Вратете се на “Output” табот. Осигурајте се дека “Output 1” е селектиран, штиклирајте го “Auto Connect” полето и кликнете на “Connect” копчето. Во статус полето над копчето, би требало да се испиша времето и “Sent xxxx bytes”.
Ви честитаме, започнавте со аудио стримингот!

Сетирање IceCast стриминг во живо со Winamp и EdCast

By zemimk
In Инфо
With No Comments
On 29 Дек | '2016

Чекор 1 -Инсталирај Winamp

Доколку сеуште не сте го симнале и инсталирале Winamp, направете го тоа. Winamp е бесплатен.

Клик за превземање на Winamp.

Чекор 2 – Инсталирајте го EdCast плагинот и lame_enc.dll

Превземете го EdCast плагинот за Winamp и инсталирајте го. Ова е бесплатен додаток за Winamp што ви овозможува онлајн стриминг.

Клик за превземање на EdCast додатокот.

Симнете го LAME MP3 encoding плагинот (lame_enc.dll) и преместете го во вашиот Winamp фолдер. За превземање, десен клик на линкот подолу и изберете “Save Link As…”, потоа изберете ја следнава локација за зачувување ‘C:\ Program Files (x86) \ Winamp’ па кликнете „Save”.

Десен клик и изберете „Save link as…“ за превземање на lame_enc.dll

Чекор 3 – Стартувајте го Winamp и Edcast DSP плагинот

Стартувајте го Winamp
Стиснете Ctrl + P (Ctrl и P тастерите заедно) – Ова ќе ви го отвори прозорецот за подесувањата.
(1) Кликнете на ‘DSP/Effect’ од колоната лево – можно е да треба да скролнете надолу доколку го нема на листата.
(2) Изберете го ‘edcast DSP v3’ по што прозорец насловен како ‘edcast’ ќе се појави на екранот.

Чекор 4 – Подесете го енкодерот

(3) Кликнете на ‘Add Encoder’ копчето
(4) Десен клик на новиот енкодер што ќе се појави на листата и
(5) Изберете ‘Configure’ од менито

Во ‘Basic Settings’ делот, подесете го енкодерот.

(6) Внесете го bitrate-от – ова мора да е еднакво или помало од битрејтот на пакетот што сте го закупиле од Земи.мк.
(7) Внесете samplerate – Внесете 44100 за bitrate еднаков или поголем од 96, или 22050 за bitrate помал од 96.
(8) Број на канало – Внесете 2 за bitrate над 48, или 1 за помал од 48.
(9) Изберете го ‘MP3 Lame’ енкодерот
(10) Изберете ‘Icecast2’ за Icecast сервер, или ‘Shoutcast’ за Shoutcast сервер.
(11) Внесете хост кој ви е доделен од Земи.мк.
(12) Внесете ја портата која ви е доделена од Земи.мк.
(13) Внесете ја лозинката која ви е доделена од Земи.мк (доколку не сте ја промениле).
(14) (Icecast2) Внесете mount point – ова најчесто е /stream или можете да ја промените преку Centova Castпанелот.

Во ‘YP Settings’ табот, внесете ги деталите за станицата.
Кликнете „OK“

НАПОМЕНА: Доколку користите надворешен извор на звук (излез од аудио миксер, CD плеер или сличен уред кој е приклучен на Line-IN од компјутерот) Изберете Line In (1 на сликата подолу) во делот Live Recording.

Чекор 5 – Стартувајте со енкодингот

(15) Штиклирсјте го ‘AutoReconnect’ полето
(16) Обележете го новиот енкодер, па кликнете на ‘Connect’ копчето
Доколку успешно се конектиравте, битрејт вредноста ќе се појави „Transfer Rate“ колоната.

Забелешки

Доколку не успеавте да се конектирате, вратете се на чекор 4 и проверете ги дополнително подесувањата за серверот.

Android апликација за управување со услугите од Zemi.mk

By zemimk
In Инфо
With One Comment
Tagged with .мк андроид апликација бесплатна веб домен домени земи.мк хостинг
On 23 Ное | '2016

На наше огромно задоволство ви ја претставуваме Андроид апликацијата за управување со услугите од Zemi.mk :).

Доколку вашите .mk домени се веќе на вистинската платформа, Земи.мк, и поседувате Андроид телефон, топло ви препорачуваме да ја инсталирате апликацијата. Со најава на апликацијата со вашето Земи.мк корисничко име и лозинка, во секој момент добивајте известувања за истекување на валидност на домен или веб хостинг пакет на вашиот смартфон.

Покрај известувањата за истекување на некоја од услугите од Земи.мк го креиравме и „Up-time Роботот“ кој е во функција да проверува дали вашата веб страница е достапна за јавноста или е потребно ваше внимание. Со помош на Up-time роботот, автоматски вршите проверка на секои 5 минути дали страниците се достапни. Истиот можете да го вклучите или исклучите за секој домен поединечно.

Овозможивме и обнова на услуги преку апликацијата со онлајн наплата. Како и промена на детали за домени, како што се технички или административни контакти и именски опслужувачи.

Преку апликацијата ќе можете да вршите и пребарување за .mk домени со детален WhoIs извештај.

Истата можете да ја превземете од следниов линк. Или побарајте ја на Google Play со клучен збор „Zemi.mk“

Апликацијата е развиена од Vortechs Media ДОО, Валандово.
Развој: Александар Манев
Дизајн: Столе Китановиќ
Веб Сервис: Костадин Стојчев

Како да обновам .mk домен?

By zemimk
In Инфо
With No Comments
Tagged with .mk domen .мк домен домен регистрар обнова на домен
On 11 Јан | '2016

Обновата на домени во Zemi.mk се врши со платежна картичка или на фактура преку контролниот панел на системот (кликнете овде за влез во контролниот панел).

Потоа од листата на кликнете на линкот „Детали“ за доменот кој сакате да го обновите.

На новоотворената страна кликнете на „Обнови домен“ под датата на валидност на доменот.

Оттука изберете за колку години ќе го обновите доменот, начин на плаќање и преминете кон делот за наплата.

Постапката е иста за сите домени во .mk зоната (.mk, .com.mk, .org.mk, .net.mk, .inf.mk) како и за .мкд националниот кириличен домен.

Како да регистрирам домен?

By zemimk
In Инфо
With No Comments
Tagged with .mk domen .мк домен електронска наплата инстант активација регистрирај фактура
On 5 Дек | '2015

Регистрацијата на домени во Zemi.mk се врши во само три едноставни чекори.

Најпрвин најавете се на системот. Доколку немате креирано кориснички налог истиот можете да го направите преку формата за регистрација која се наоѓа овде.

Откако ќе се најавите од менито „Домени“ изберете го подменито „Пребарување“. Овде можете да проверите дали саканиот домен е слободен и достапен за регистрација.

Доколу доменот е слободен ќе пристапите кон страницата на која може да го изберете саканиот домен за регистрација од повеќе понудени можности. Со кликање на копчето „Додади во кошничка и продолжи кон сетирање“ ќе преминете на страницата за подесување на контактите за доменот и именските опслжувачи. Покрај тоа на истата страница можете да изберете и начин на плаќање, помеѓу плати „На фактура“ или „Со платежна картичка“.

Доколку се одлучите да платите на фактура ќе ви биде генерирана профактура, која, ќе ви биде достапна за превземање, а истата ќе ви биде доставена и на мејл адресата со која што се регистриравте на Zemi.mk. Доменот ќе биде регистриран откако ќе се утврди уредна наплата за услугата.

Доколку изберете да платите електронски, со платежна картичка, доменот ќе биде инстантно регистриран и достапен за користење и управување веднаш.

Со кликање на копчето „Продолжи понатаму“ доколку ја избравте опцијата за плаќање на фактура ќе ви биде потврдена нарачката, а профактурата испратена на мејл адресата.

Во спротивно ќе бидете префрлени во кошничката од каде можете да преминете кон плаќање со платежна картичка.

Zemi.mk НЕ чува податоци од вашата платежна картичка. Целиот процес за наплата се одвива преку системот на Уни Банка со која имаме склучено договор за соработка и е задолжена за процесирање на електронското плаќање.