Zemk.mk – Блог

Posts in the cPanel category

Како да ја измените DNS зоната на домен преку кориснички профил или cPanel

DNS зоната е местото каде се запишани сите DNS записи за вашиот домен и преку неа се одредува каде ќе води доменот, каде ќе работи е-поштата и како ќе бидат поврзани другите услуги со него.

Во Земи.мк, начинот на кој ќе ја менувате DNS зоната зависи од тоа каде водат именските опслужувачи на доменот.

Доколку имате само домен и не користите хостинг пакет, со правилно поставување на именски опслужувачи, DNS записите можете да ги менувате преку вашиот кориснички профил. Ако именските опслужувачи на доменот се поставени кон хостинг пакетот што го користите, тогаш DNS промените се прават преку cPanel-от.

Овој водич ќе ви помогне лесно да препознаете кој начин е правилен за вас и како чекор по чекор да ја направите промената.

Кога DNS записите се менуваат преку кориснички профил?

Промената преку кориснички профил е соодветна кога имате домен и сакате DNS зоната да ја управувате директно од кирисничкиот панел на Земи.мк.

Ова е особено корисно кога корисникот на доменот не користи хостинг пакет, или кога корисникот има други надворешни сервиси за креирање на веб страница како Shopify, Loveble и сл.

Во таков случај, доколку се постават именските опслужувачи што се прикажани во панелот за DNS зона, односно n30.zemi.mk и n31.zemi.mk, можете да ја активирате DNS зоната и потоа да ги менувате DNS записите директно преку корисничкиот профил.

Кога DNS записите се менуваат преку cPanel?

Ако доменот користи исти именски опслужувачи кои водат кон хостинг пакетот што го имате, тогаш DNS зоната вообичаено се менува преку cPanel.

Ова значи дека доменот е поврзан со хостинг околината, па затоа управувањето со DNS записите се врши од самиот хостинг панел. Најчесто таму ќе ги менувате записите како A, CNAME, MX или TXT, особено ако доменот веќе има активна веб-страница или е-пошта на истиот хостинг.

Наједноставно кажано, ако DNS-от го управувате како самостоен домен, работите преку кориснички профил, а ако доменот е врзан со хостинг пакет и ги користи именски опслужувачи кои водат кон истиот, работите преку cPanel.

Како да ја измените DNS зоната преку кориснички профил на Земи.мк

Постапката е едноставна и се прави директно од вашиот кориснички профил.

Најпрво најавете се на вашиот профил на Земи.мк. Откако ќе се вчитa работната табла, од левото мени изберете Домени. Таму ќе ви се прикажат сите домени што ги имате на профилот.

Од листата кликнете на Детали за доменот за кој сакате да направите промени. Со тоа ќе се отвори страната со информации за избраниот домен, каде ќе ги видите основните податоци, именските опслужувачи и другите достапни опции за управување.

Потоа изберете Измени DNS зона.

Ако DNS зоната сè уште не е активирана, системот ќе ви прикаже информација дека за да ја користите DNS зоната, треба да ги поставите соодветните именски опслужувачи. Во овој дел ќе видите и кои именски опслужувачи треба да се користат, односно n30.zemi.mk и n31.zemi.mk.

Именските опслужувачи за доменот можете да ги измените во управувачкото мени за доменот одосно во Детали за доменот во делот на Именските осплужувачи изберете Измени


Откако ќе бидете на оваа страница, кликнете на Активирај DNS.

Тука е многу важно да се внимава на следново:
кога ќе започне активирањето, потребно е да се почека процесот целосно да заврши. Не ја рефреширајте страницата и не ја затворајте додека трае активирањето.

По успешно активирање, DNS зоната ќе стане достапна за уредување и ќе можете да ги гледате и менувате постоечките DNS записи.

Во табелата ќе ви се прикажат записите за доменот, а до секој запис ќе имате опција за измена. Кога ќе кликнете на уредување, се отвора форма во која најчесто ќе ги видите полињата:

Name – името на записот, односно доменот или поддоменот на кој се однесува записот
TTL – времето за освежување на записот
Type – типот на DNS записот
Address / Data – вредноста што сакате да ја внесете

Откако ќе ја направите потребната промена, зачувајте ги измените.

На овој начин можете да уредувате различни DNS записи, зависно од тоа што сакате да постигнете. На пример, ако сакате доменот да води до одредена IP адреса, најчесто ќе менувате A запис. Ако сакате поддомен да покажува кон друг домен, обично ќе користите CNAME. Ако подесувате е-пошта или верификација за некоја услуга, можно е да треба да додадете MX или TXT запис.

Како да ја измените DNS зоната преку cPanel

Доколку доменот користи исти именски опслужувачи како хостинг пакетот што го имате, тогаш DNS записите се менуваат преку cPanel.

За почеток, најавете се во cPanel на вашиот хостинг пакет. Во cPanel побарајте ја алатката за DNS менаџирање која е означена како Zone Editor.
Откако ќе ја отворите алатката, ќе ви се прикаже листа на домени што се поврзани со вашиот хостинг пакет. Изберете го доменот за кој сакате да правите промени.

Потоа можете да додадете нов запис или да измените постоечки. Во зависност од потребата, ќе изберете тип на запис, ќе го внесете името, вредноста и останатите потребни полиња, па ќе ги зачувате промените.

Секогаш прво проверете дали доменот навистина користи исти именски опслужувачи како хостинг пакетот. Тоа е најважниот чекор, затоа што од него зависи дали промената треба да се направи во корисничкиот профил или во cPanel.

Што е важно да знаете пред да направите DNS промена

DNS промените не секогаш се применуваат веднаш. Иако понекогаш измената може да стане видлива за кратко време, во одредени случаи потребно е повеќе време за целосно освежување.

Причината за тоа е што DNS записите се кешираат и се обновуваат според вредноста на TTL, како и според мрежите и провајдерите преку кои се прави проверката. Затоа е нормално кај некои корисници промената да се појави побрзо, а кај други подоцна.

Поради тоа, откако ќе направите промена, добро е да почекате извесен период пред да заклучите дека нешто не функционира. Особено ако менувате записи поврзани со веб-страница, е-пошта или верификациски сервиси.

Како да знаете кој начин е правилен за вас

Ако имате само домен и сакате директно од профилот да управувате со DNS зоната, активирајте ја DNS зоната во корисничкиот профил и користете ги именските опслужувачи што се наведени.

Ако доменот е веќе поврзан со хостинг пакет и ги користи истите именски опслужувачи како хостингот, тогаш DNS записите менувајте ги преку cPanel.

Кога ова ќе го разберете, целиот процес станува многу поедноставен и избегнувате да правите промени на погрешно место.

Промената на DNS зона не мора да биде комплицирана, ако однапред знаете каде треба да ја направите.

Доколку не сте сигурни кој DNS запис треба да го внесете или каде точно треба да ја направите промената, контактирајте ја поддршката на Земи.мк за насока пред да продолжите.

Вашата WordPress страница бавно се отвора? Забрзајте ја со Redis кеширање (плус дополнителни едноставни совети)

Дополнително оптимизирајте ја вашата WordPress веб страница со Redis кеширање.

Пред да започнете со активирање на Redis кеширањето појдете во Select PHP Version алатката на cPanel и осигурајте се дека Redis и Memcached екстензиите се вклучени.

За почеток најавете се на cPanel и отворете ја Redis алатката па кликнете „Start“. По стартување ќе ви биде генерирана порта и лозинка.

redis-zemi-mk

Откако ќе ги добиете овие податоци, отворете ја вашата WordPress контролна табла, и доколку сѐ уште не сте, инсталиеајте го LiteSpeed Cache плагинот. (https://wordpress.org/plugins/litespeed-cache/)

По инсталација на LiteSpeed Cache плагинот, отворете ги подесувањата и појдете во Object табот и кликнете на ON за да го вклучите.

litespeec-cache-redis-zemi-mk

Во подесувањата изберете Memcached или Redis, во нашиот случај Redis и внесете ги деталите кои ги добивме претходно. Полете за косирничко име (Username) оставете го празно и кликнете „Save changes“.

redis-za-wordpress-lscache-zemi-mk

Доколку подесувањето е успешно во делот „Connection test“ ќе се испише „Passed“.

connection-test-redis-zemi-mk

Оптимизацијата на WorsPress страница бара техничко познавање. Но, во продолжение неколку дополнителни едноставни совети кои можете да ги проследите и без вашиот веб девелопер.

Кога го имате подесено Redis или Memcached кеширањто преминете на бришење на непотребни плагини. Голем број на плагини можат значително да го забават вчитувањето на секоја WordPress страница. Постојат додатоци како UsageDD и Plugins Garbage Collector кои можат да ви помогнат при пронаоѓање на проблематични плагини и процеси.

Овозможете CloudFlare за вашата страница. Како да активирате CloudFlare можете да прочитате на следната објава https://zemi.mk/blog/kako-da-aktiviram-cloudflare/

Актвирајте Gzip Compression. Ова можете да го сторите преку „Optimize Website“ алатката на cPanel или со додавање на следните правила во вашиот .htaccess фајл:

<IfModule mod_deflate.c>
# Compress HTML, CSS, JavaScript, Text, XML and fonts
AddOutputFilterByType DEFLATE application/javascript
AddOutputFilterByType DEFLATE application/rss+xml
AddOutputFilterByType DEFLATE application/vnd.ms-fontobject
AddOutputFilterByType DEFLATE application/x-font
AddOutputFilterByType DEFLATE application/x-font-opentype
AddOutputFilterByType DEFLATE application/x-font-otf
AddOutputFilterByType DEFLATE application/x-font-truetype
AddOutputFilterByType DEFLATE application/x-font-ttf
AddOutputFilterByType DEFLATE application/x-javascript
AddOutputFilterByType DEFLATE application/xhtml+xml
AddOutputFilterByType DEFLATE application/xml
AddOutputFilterByType DEFLATE font/opentype
AddOutputFilterByType DEFLATE font/otf
AddOutputFilterByType DEFLATE font/ttf
AddOutputFilterByType DEFLATE image/svg+xml
AddOutputFilterByType DEFLATE image/x-icon
AddOutputFilterByType DEFLATE text/css
AddOutputFilterByType DEFLATE text/html
AddOutputFilterByType DEFLATE text/javascript
AddOutputFilterByType DEFLATE text/plain
AddOutputFilterByType DEFLATE text/xml

# Remove browser bugs (only needed for really old browsers)
BrowserMatch ^Mozilla/4 gzip-only-text/html
BrowserMatch ^Mozilla/4\.0[678] no-gzip
BrowserMatch \bMSIE !no-gzip !gzip-only-text/html
Header append Vary User-Agent
</IfModule>
<ifModule mod_gzip.c>
mod_gzip_on Yes
mod_gzip_dechunk Yes
mod_gzip_item_include file \.(html?|txt|css|js|php|pl)$
mod_gzip_item_include mime ^application/x-javascript.*
mod_gzip_item_include mime ^text/.*
mod_gzip_item_exclude rspheader ^Content-Encoding:.*gzip.*
mod_gzip_item_exclude mime ^image/.*
mod_gzip_item_include handler ^cgi-script$
</ifModule>

 

Оптимизирајте ги сликите на вашата страница. За тоа може да искористите додаток каков што е Smush – Optimize, Compress and Lazy Load Images.

Оптимизитајте ја WordPress датабазата со WP-Optimize додатокот.

Смалете (minify) ги JS и CSS фајловите со користење на плагинот Autoptimize

За проверка на перформансите на вашата страница во процесот на оптимизација можете да користите сервиси како:

https://gtmetrix.com
https://developers.google.com/speed/pagespeed/insights/
https://tools.pingdom.com

Како да промените лозинка за најава на WordPress преку phpMyAdmin?

Во оваа статија, ќе ви покажеме како лесно да ја ресетирате лозинката на WordPress од phpMyAdmin.

 

Зошто да ја ресетирате лозинката на WordPress преку phpMyAdmin?

WordPress има имплементирано многу лесен начин за ресетирање на изгубената лозинка. Можете едноставно да отидете на екранот за најавување на вашата веб-страница на WordPress и да кликнете на линкот „Ја изгубивте лозинката?“.

phpmyadminlostyourpassword

Кликнете на ‘Ја изгубивте лозинката?’

Кога ќе кликнете на линкот, ќе бидете пренасочени на страницата за ресетирање лозинка. Откако ќе го внесете вашето корисничко име или мејл адресата, WordPress ќе испрати линк за ресетирање на лозинката до мејл адресата од вашата сметка.

Меѓутоа, доколку немате пристап до мејл адреса, или доколку вашата WordPress страница не успее да ви испрати мејл, тогаш нема да можете да ја ресетирате вашата лозинка на овој начин.

Во ваква ситуација, ќе треба да ја ресетирате лозинката директно во базата на податоци. Најлесен начин да го направите тоа е со користење на phpMyAdmin алатката од cPanel.

Прво, треба да се најавите на контролниот панел од вашиот хоситнг (cPanel). Следно, треба да отидете во делот Бази на податоци каде што можете да кликнете на иконата phpMyAdmin.

phpmyadminhostingaccount

Ова ќе ја стартува апликацијата phpMyAdmin каде што треба да ја изберете вашата база на податоци на WordPress.

phpmyadminselectdatabase

Откако ќе се отвори phpMyAdmin од левата страна ќе ви бидат излистани креираните бази на вашиот хостинг. Отворете ја базата од страницата на која треба да ја ресетирате лозинката за најава. Од таа база треба да ја побарате табелата wp_users (често пати префиксот wp_ може да биде и друг) во оваа листа и да кликнете на линкот Browse веднаш до неа.

phpmyadminwpusersbrowse

Сега ќе ги видите сите креирани корисници во оваа база. Одете напред и кликнете на копчето за уредување веднаш до корисничкото име чија лозинка сакате да ја промените.

phpmyadminedituser

PhpMyAdmin ќе ви покаже форма со сите полиња со информации за корисникот.

Ќе треба да ја избришете вредноста во полето user_pass и да ја замените со вашата нова лозинка. Под колоната за функции, изберете MD5 од паѓачкото мени и потоа кликнете на копчето Go на дното на формата.

phpmyadminmd5newpassword

Вашата лозинка ќе биде енкриптирана со помош на MD5 хашот и потоа ќе се зачува во базата на податоци.

Браво! Успешно ја променивте лозинката за најава на WordPress користејќи phpMyAdmin.

Како да креирате мејл адреса на cPanel хостинг пакет?

Покрај креирањето на веб страници или продавници, втората главна причина поради која компаниите закупуваат хостинг пакети и домени е креирањето на професионални мејл адреси, кои во своето име го носат името на компанијата, пример [email protected], а не името на некој од генеричките мејл сервиси како Yahoo, Gmail, Hotmail и други. Користењето на ваквите деловни мејл адреси ја зголемува довербата кај вашите клиенти или потрошувачи и им влева сигурност дека вашиот однос кон бизнисот е сериозен.

Основните хостинг пакети од Земи.мк доаѓаат со можност за креирање на неограничен број на мејл адреси во оквир на дозволениот простор.

Креирањето на професионални мејл адреси со хостинг пакетите од Земи.мк е едноставно. Се што треба да направите е да се најавите на cPanel и да кликнете на алатката „Email Accounts“.

zemimk-mail-adresa-cpanel

Потоа кликнете на копчето Create за да креирате нова емаил адреса.

zemimk-mail-adresa-cpanel-kreiraj-create

Потоа на страницата која ќе ви се отвори пополнете ги полињата за да ја креирате вашата мејл адреса:

  1. Корисничко име. Корисничкото име е приматниот дек од мејл адресата или оној дел кој доаѓа пред „@“ знакот. Доколку на вашиот хостинг пакет имате хостирано повеќе домени овде ќе можете да изберете на кој домен припаѓа мејл адресата. Доколку имате само еден домен истиот е веќе избран за вас. Доменот е делот од мејл адресата кој доаѓа после „@“ знакот. Пример [email protected], во овој пример info е корисничко име, zemi.mk е доменот.
  2. Лозинка. Во ова поле внесете лозинка за вашата мејл адреса. Препорачана должина за лозинка е над 8 карактери.
  3. Edit Settings. Доколку кликнете на копчето „Edit Settings“, ќе ви се отвори формата за подесување на големината на мејл сандачето. Доколку сакате можете на одредена мејл адреса да и дозволите само 100MB простор на вашиот хостинг пакет, или „Unlimited“ т.е. неограничено во рамки на дозволениот простор со вашиот хостинг пакет. Другото доколку се обичен корисник можете да го оставите непроменето.
  4. На крај кликнете на „Create“ за да ја креирате меил адресата.

zemimk-mail-adresa-cpanel-kreiraj-create-mailbox

zemimk-mail-adresa-cpanel-settings

Со кликање на „Create“ вашата адреса ќе биде креирана. За да се најавите на „Webmail“ клиентот појдете на www.ime-na-vashiot-domen.mk/webmail. „Име на вашиот домен“ заменете го со вашиот домен, на крај само додадете /webmail како би пристапиле до „Webmail“ клиентот, каде можете да праќате мејлови и да ги прегледувате добиените мејл пораки. На „Webmail“ во полето „Email Address“ ја пишувате целосната мејл адреса, со доменот (пр. [email protected], не само info), и лозинката која сте ја сетирале при креирање. Доколку саката да ја промените лозинката отворете ја повторно „Email Accounts“ алатката и кликнете на „Manage“ за мејл адресата за која сакате да ја промените лозинката.

Доколку сакате да користите ваш мејл клиент, на десктоп (Outlook) или вашиот мобилен телефон, деталите за сетирање на истите ги имате повторно во алатката „Email Accounts“ на cPanel.

zemimk-mail-adresa-cpanel-contect-device

Кликнете на „Connect Devices“, по што ќе ви бидат излистани сите детали за поврзување на вашата новокреирана деловна мејл адреса на мејл клиентот на вашиот уред. При конектирање секогаш избирајте IMAP протокол, кој е побезбеден во однос на POP3 и SSL енкрипција (не TLS). Доколку вашиот мејл клиент не поддржува SSL конекција, кликнете на „Show Non SSL Settings“ како би ви се прикажале соодветните подесувања. „Non SSL“ конекцијата не се препорачува затоа што е небезбедна за користење.

zemimk-mail-adresa-cpanel-imap

За да ги видите нашите основни хостинг пакети кликнете на следниот линк: https://zemi.mk/Hosting.aspx

Како да зголемам максимална дозволена големина за прикачување фајлови (Upload Max Filesize) преку cPanel?

Кога извршувате апликација, скрипта, плагини, па дури и прикачувате датотека или тема преку PHP (WordPress или некоја друга скрипта), понекогаш може да се соочите со грешка кога ќе надмините некое ограничување поставено од вашиот веб-сервер. Во овој туториал ќе научите како да ја поправите грешката со зголемување на максимално дозволената големина за прикачување на датотеки upload_max_filesize преку вашиот Zemi.mk cPanel.

За да го направите ова најпрво најавете се на вашиот Zemi.mk cPanel потоа во делот Software избирате MultiPHP INI Editor:

cpanel-max-upload-filesize-cekor-1

Следно од листата го избирате доменот за кој сакате да ја промените вредноста на upload_max_filesize:

cpanel-max-upload-filesize-cekor-2

По избор на доменот во долниот дел од отворената страница барате upload_max_filesize, од десно ја внесувате новата посакувана вредност и за крај кликате „Apply“. Буквата „М“ означува мегабајти (Mb).

cpanel-max-upload-filesize-cekor-3

Доколку сеуште имате проблем при прикачувањето на датотеки обидете се со промена на upload_max_filesize преку .htaccess фјалот. Туторијалот за промена на upload_max_filesize  преку .htaccess можете да го прочитате на следниот линк.

Како да промените WordPress тема преку myphpadmin?

Добредојдовте во уште еден туторијал за тоа Како да промените WordPress тема преку „myphpadmin“ брзо и лесно.

Пред да започнеме со промена на тема најпрво треба да ја најдеме локацијата каде вашата WordPress страница е инсталирана. Доколку сеуште немате инсталирано WordPress тоа можете да го направите брзо и едноставно со следење на упатството од следниот линк.

Промена на WordPress тема преку „myphpadmin“ е толку едноставно што целата процедура е во два чекори.

Чекор 1 – Oтворете „File Manager“

Отворето го фајл менаџерот „File Manager“ од вашиот Zemi.mk cPanel контролен панел.

myphpadmin-step-1

Првото нешто што треба да направите е да го пронајдете името на вашата база на податоци од WordPress страницата за која сакате да промените тема. За да го направите ова, одете до „File Manager-от“, отворете ја датотека wp-config.php во вашиот директориум public_html. Најдете го најдете името на базата што вашата веб страница ја користи со брање на редот со код каде има напишано DB_NAME:

myphpadmin-step-2

Додека сме во „File Manager-от“ следно ќе ја отвориме локацијата на директориумите каде се поставуваат фајловите од темите кој се достапни на вашата WordPress инсталација. За да го направиме ова потребно е да влеземе во директориумот со следната патека /wp-content/themes. Овде ќе ги најдете сите достапни теми кои можат да бидат активирани на вашата WordPress страница. Ќе претпоставиме дека сакаме да ја активираме темата „newsport“.

myphpadmin-step-3

 

Чекор 2 – Oтворете „myphpadmin“

Следен чекор што треба да направите е преку cPanel контролниот панел на Zemi.mk, најдете ја алатката „myphpadmin“ и отворете ја.

myphpadmin-step-4

Откако ќе влезете во „myphpadmin“ од лева страна ќе ви бидат излистани сите бази на податоци кои ги имате креирано преку вашиот хостинг. Со инсталација на WordPress автоматски се креира базата потребна за работа. Ја наоѓате базата со исто име од DB_NAME од чекор еден и кликате на знакот „+“. Со кликање на плусот ќе се отворат сите табели креирани во таа база, ја наогате табелата „wp_options“ и ја избирате истата со кликање на неа. Потоа низ колоните ги барате „template“ и „stylesheet“ редовите за кои ќе имате вредност иста со името на моментално активната тема:

myphpadmin-step-5

Тоа што треба следно да се направи е да кликнете два пати на името на темата кое во моментов е внесено во табелата и да го заменет со името на темата која сакате сега да ја активате. Во случајов „newsport“.

myphpadmin-step-6

За зачувување само кликнете надвор од текстуалното поле.

Честитки, сега вашата WordPress тема е променета.

Доколку сакате да знаете како да активирате нова тема преку самата WordPress платформа проследете го упатството на следниот линк.