Zemk.mk – Блог

Posts in the category

WordPress е најкористената CMS платформа, со коja лесно и бесплатно можете да креирате веб страници и да управувате со нив. Можеби најголемите предности на WordPress во однос на конкурентните платформи се едноставниот и интуитивен кориснички интерфејс, кој е достапен и на македонски јазик, големиот број на бесплатни и премиум темплејти (изгледи) и додатоци (плагини), со чија помош можете и до најмал детал да ја персонализирате вашата веб страница, која ќе ги исполнува сите ваши побарувања. Што од естетски аспект, но и во поглед на функционалноста.

Zemi.mk нуди инсталација на WordPress со еден клик, преку автоматскиот инсталер Softaculous. Sofaculous е достапен како алатка на cPanel и покрај WordPress нуди инсталација на многу бесплатни и премиум скрипти и веб апликации. Автоматската инсталацијата на WordPress е достапна на основните хостинг пакети од Zemi.mk, кои користат и LiteSpeed Веб сервер, креиран со цел – најголема оптимизација на динамички веб страници, какви што се и тие креирани со WordPress.

За да инсталирате WordPress најпрвин најавете се на cPanel со деталите за управување со вашиот хостинг пакет кои ви се доставени на мејл по наплатата и активацијата на истиот. Линкот за најава на cPanel најчесто е imeto-na-vashiot-domen.mk/cpanel.

Откако ќе се најавите кликнете на WordPress иконата, која е прикажана на сликата подолу.

softaculous-instalacija-na-wordpress-cpanel

Одовде ќе бидете пренасочени кон страницата за инсталација на WordPress, каде е потребно да кликнете не копчето „Install“ или „Install Now“.

instalacija-na-wordpress

Потоа ќе ви биде отворена страницата со подесувањата за вашата WordPress инсталација.

  • Software Setup (1 на сликата)
    • Овде е потребно да го зададте URL-то за вашата страница или WordPress инсталација. Под дифолт Softaculous го инсталира WordPress во /wp фолдерот, како претпазливост да не биде презапишана веќепостоечка WordPress инсталација на главниот домен. Доколку за прв пат на вашиот домен инсталирате WordPress најверојатно сакате истиот да го инсталирате во root фолдерот на домено, како би можеле посетителите да пристапат до истиот со впишување само на вашиот домен, без наставката /wp. Доколку полето „In Directory“ го оставите пополнето со wp, вашата WordPress страница ќе биде достапна на ime-na-vashiot-domen.mk/wp, но не и на ime-na-vashiot-domen.mk. За да инсталирате WordPress на главниот домен, избришете го wp од полето „In Directory“ и оставете го празно.
    • Полето за избор на верзија е секогаш подесено на најновата верзија достапна преку Softaculous, што е препорачана верзија за инсталација. Ова поле најчесто треба да остане непроменето.
  • Site settings (2 на сликата)
    • Site name – Овде го внесувате името на вашата веб страница
    • Site description – Овде оди описот за вашата веб страница (името и описот можат лесно да се променат и по инсталацијата преку администраторскиот панел на WorsPress)
    • Enable Multisite – Дали да овозможите повеќе WordPress страници управувани преку еден администраторски панел (ова најчесто останува непроменето и исклучено)
    • Disable WordPress cron – Дали да се исклучи Cron системот на WordPress (и ова е препорачливо да остане непроменето и исклучено)
  • Admin Account (3 на сликата) – Ова се деталите со кои ќе се најавувате на администраторскиот панел во иднина, како би можеле да управувате со вашата WordPress страница. (овие детали се важни и е препорачливо да ги запомните или запишете).
    • Admin Username – Поради поголема заштита ова поле е препорачливо да биде променето и admin да се замени со друго корисничко име по ваша желба (дозволени се само латинични карактери)
    • Admin Password – Ова е лозинката за администраторскиот акаунт и треба да биде доволно комплексна како би пружала поголемо ниво на безбедност.
    • Admin Email – Мејл адреса од администраторот.

setiranje-na-wordpress-instalacija

  • Choose Language (4 на сликата) – Избор на јазик. Овде не е ислистан македонскиот јазик, но, истиот е достапен за избор подоцна, преку администраторскиот панел.
  • Select Plugin(s) (5 на сликата) – Избор на плагини кои ќе бидат иницијално инсталирани на вашата WordPress страница. Препорачливо е да го штиклитрате Limit Login Attempts (Loginizer) кој пружа заштита при BruteForce хакерски напади.

setiranje-na-wordpress-instalacija-2

  • Advance options – Овој сегмент оставете го непроменет доколку не сте поискусен корисник.
  • Select Theme (6 на сликата) – Овде можете да изберете тема (изглед) за вашата WordPress страница од понудените од страна на Softaculous, но можете и да го оставите непроменето доколку веќе имате избрано друга тема или сакате да ја користите основната тема на WordPress. Во иднина преку администраторскиот панел возможна е инсталација и управување со теми.
  • Кликнете на „Install“

setiranje-na-wordpress-instalacija-3

По успешно инсталирање на WordPress ќе ви се отвори страницата на која се прикажани двата најважни линкови кога е една WordPress страница во прашање. Тоа се линкот на веб страницата и линкот за најава на администраторскиот панел.

linkovi-za-wordpress-instalacija

Доколку кликнете на линкот за најава на администраторскиот панел или „Administrative URL“, ќе бидете пренасочени кон истиот без потреба да се најавите со деталите за администраторскиот панел кој ги внесовте претходно. Ова е случај само овојпат. Во иднина при пристапување на линкот за админ панелот ќе мора да внесете корисничко име и лозинка.

wordpress-dashboard

Со клик на главниот линк на страницата ќе бидете пренасочени кон почетната страница на вашата WordPress веб страница.

wordpress-homepage

Основните хостинг пакети од Земи.мк можете да ги погленете на следниот линк.

Доколку имате проблем со испраќање на мејл известувања или мејлови од контакт формите на Вашата WordPress веб страница, најверојатно не сте подесиле SMTP автентикација, која е задолжителна на споделените веб хостинг пакети од Земи.мк.

Еден од најдобрите плагини за оваа намена е „WP Mail SMTP“ и токму нему ќе му го посветиме овој пост.

За почеток инсталирајте го плагинот

 

wp-mail-smtp-search

 

… и активирајте го!

 

wp-mail-smtp-activate

 

При активирање ќе ви се отвори „Setup Wizard“ со помош на кој преку едноставен „чекор по чекор“ интерфејс ќе го сетираме плагинот правилно како би ја овозможиле мејл функцијата на нашата веб страница.

Најпрвин од можностите за мејлер изберете „Other SMTP“ и кликнете „Save and Continue“.

 

wp-mail-smtp-choose-mailer

 

На следниот чекор се подесувањата за SMTP серверот на Земи.мк.

  • SMTP Host: mail.vashiot-domen.mk
  • Encryption: SSL
  • SMTP Port: 465
  • Auto TLS: Off

 

wp-mail-smtp-smtp-settings

 

На истиот чекор се и подесувањата за автентикација на SMTP серверот.

  • SMTP Usernamе: vasha-mejl-adresa@domen.mk (Овде внесуваме валидна, претходно креирана мејл адреса. Мејл адреси се креираат преку Mail Accounts алатката на cPanel).
  • SMTP Password: Лозинката која ја внесовте при креирање на вашата мејл адреса.

 

wp-mail-smtp-auth

 

  • From name: Внесете го името на вашата страница или вашето име. Ова е името кое ќе биде испишано во Inbox при праќање мејлови од вашата WordPress веб страница.
  • From mail: Истата мејл адреса од погоре во делот за автентикација.

По пополнување на сите полиња правилно кликнете на „Save and Continue“.

 

wp-mail-smtp-smtp-from-settings

 

Кога ќе ви се отвори 3-тиот чекор кликнете на „Save and Continue“.

 

wp-mail-smtp-features

 

На следниот, 4-ти чекор кликнете „Skip this Step“.

 

wp-mail-smtp-help-improve-plugin

 

На 5-тиот чекор кликнете „Skip this Step“.

 

wp-mail-smtp-license

 

Доколку уредно сте ги пополниле сите чекори, „Setup Wizard“-от ќе ви испише „Congrats, you’ve successfully set up WP Mail SMTP!“. Кликнете „Finish Setup“.

 

wp-mail-smtpfinish

 

Следно, потребно е да ја промените „admin“ мејл адресата. Појдете во Поставувања > Општо (Settings > General). Во полето за „admin“ мејл адреса внесете ја валидната мејл адреса што ја внесовте при сетирање на плагинот во делот за автентикација и кликнете „Зачувај промени“ или „Save Changes“.

По ова на мејл адресата ќе ви пристигне мејл за потврда на промената на админ мејл адресата. При конфирмација промената ќе биде завршена.

 

wordpress-admin-mail

Оваа недела (14.02.2021), за Денот на вљубените, искористете ја промоцијата и регистрирајте .МК домен по цена пониска за 20%, или само 639 денари. Сѐ што треба да направите е при наплата да го внесете кодот за попуст „EdnoSrceImam“.

Кодот за попуст ќе биде активен само на ден 14.02.2021-ва година.

Попустот важи само за онлајн плаќања направени на 14.02.2021 користејќи го кодот за попуст „EdnoSrceImam“.

Оваа празнична сезона, сите нови корисници кои сакаат да станат дел од Земи.мк семејството можат да го сторат тоа по неодоливи празнични цени со 33% попуст.

Од 15-ти декември, до 15-ти јануари 2021-година, основните Линукс веб хостинг пакети и понатаму доаѓаат со бесплатен .мк домен, но сега и со значително пониски цени. И тоа, 999 денари за цела година за Gnome XL пакетот, 1.749 денари за Tauren XL и неверојатни 2.799 денари за мега пакетот Worgen XL, кој доаѓа со неверојатни 50GB NVMe SSD простор.

Оваа понуда важи за домени кои до сега никогаш не биле хостирани во Земи.мк.

 

Од неодамна, преку сервисот на Земи.мк можете да креирате и мејл адреси, без притоа да има потреба да се најавувате на cPanel или соодветниот веб панел.

Сѐ што треба да направите е да се најавите и да појдете во контролниот панел.

Оттука доколку сакате да ја креирате бесплатната мејл адреса која ја добивте со регистрацијата на .mk домен, за време на „летната промоција“, кликнете на иконата со „запченик“ до саканиот домен.

Потоа ќе ви се отвори страницата за управување со доменот. Дел од страницата е и компонентата за креирање на мејл адреси. Внесете во празното поле како сакате да гласи вашата мејл адреса, доменот е автоматски избран за вас, па кликнете на „Креирај“.

Со ова вашата мејл адреса е креирана. Копирајте ја лозинката која ви е автоматски генерирана и кликнете на линкот „Најави се“, најдесно на истиот ред. По ова ќе бидете редиректирани на страницата каде ќе можете да се најавите на вашата нова мејл адреса.

Кога прв пат ќе се најавите, ќе ви се отвори нова страница, каде што може да пристапите кон вашето поштенско сандаче, да пристапите кон менување на лозинката со кликање на „Password & Security“ или на „Automatically configure my device“ за да ги видите подесувањата за конектирање на вашата мејл адреса на десктоп или мобилен мејл клиент (Outlook, GMail, Apple Mail…).

Од денес па во наредниот период, Земи.мк ја почнува летната промоција со вистински изненадувања за своите клиенти.

Од денес, со секој купен Linux хостинг пакет, добивате и гратис .mk домен, чија вредност е 799 денари.

Освен за Worgen пакетот, кој вклучува бесплатен .mk домен и во стандардната понуда, пакетите Gnome и Tauren сега доаѓаат со бесплатна регистрација на .mk домен. Од следната година, домените во овие два пакета, купени во текот на летната промоција, ќе се обновуваат по цена од 549 денари за една година, или актуелната цена во тој момент. Бесплатниот домен со Worgen пакетот останува бесплатен засекогаш, се додека истиот се обновува.

Бесплатно ќе биде регистриран .mk доменот кој ќе биде наведен како примарен за новиот хостинг пакет. Доколку тој домен е веќе регистриран ќе бидете контактирани од Корисничката поддршка.

Покрај бесплатниот домен со секој Linux пакет, со секој купен .mk домен во текот на оваа промоција добивате и една бизнис мејл адреса (пример: vase.ime@ime-na-firma.mk) со простор од 500MB. Мејл адресата останува бесплатна и по завршувањето на летната промоција, се додека го обновувате доменот купен за време на истата.

Количините се ограничени.

Доколку имате било какви прашања слободно побатајте не на телефонскиот број за корисничка поддршка, или пишете ни на info@zemi.mk.

Ваш, Земи.мк.

Акцијата за „Black Friday“ годинава ќе ги намали цените на Linux хостинг пакетите за неверојатни 60%. Акцијата ќе можат да ја искористат корисници кои досега не користеле „Black Friday“ поволности. Додека трае попустот за „Black Friday“ хостинг пакетите кои вообичаено нудат бесплатен .mk домен, доаѓаат без бесплатниот домен.

Покрај попустот за Linux хостинг пакетите, за прв пат во историјата на врвниот .mk домен, цената ја спуштаме на 599 денари, што е пониско и од цената по која ги регистрира МАРнет 🙂

„Black Friday“ промоцијата трае само во петок, 29-ти ноември, 2019-та година.

60-hosting

На барање на корисниците, додадена е можност за секој домен, како .mk така и генерички, да биде доделен „менаџерски“ контакт, лице кое е член на Земи.мк, кое по доделувањето на привилегии ќе може да го управува доменот од сопствениот акаунт.

Ваквата можност ќе им олесни на веб дизајнерите и компаниите кои работат со веб дизајн при управувањето со своите како и домените на своите клиенти. Сега сите домени може да им бидат достапни за управување преку нивниот акаунт на Земи.мк. со што се избегнува досегашната потреба да се најавуваат на посебни акаунти за да вршат промени за домени со различни регистранти.

За да додадете контакт за менаџирање на домен, влезете во Контролниот панел, кликнете Детали за саканиот домен, и веднаш под трите главни контакти е полето за додавање на новиот менаџерски контакт. Сѐ што треба да направите е да ја внесете мејл адресата со која корисникот кому сакате да додадете привилегии за управување се има зачленето на Земи.мк

 

Покрај стандардната понуда на .мк домени, Земи.мк стана регистрар и за генеричките интернационални домени.

Цената како и листата на сите достапни домени за регистрација можете да ја погледнете на следниот линк.

Од најпопуларните ги издвојуваме .com, .net, .org и .co кои можете да ги регистрирате по цена од само 899 денари за цела година.

WordPress е бесплатен систем за управување содржини (CMS) кој е open source и е заснован на PHP и MySQL. Како најпопуларна платформа за изработка на Веб страни таа подлежи под голем бој на напади од страна на хакери со цел да ги искористат вашите серверски ресурси за сопствени цели. Повеќето од компромитираните страници со WordPress се користат за испраќање на спам-пораки или за хостирање на содржини за фишинг, правејќи го црниот список на сервери на глобално ниво. Застарените верзии на WordPress се почесто се компромитираат заради познатите слабости / грешки. Ажурирањата на WordPress-от се клучни за безбедноста и стабилноста на страната. Треба да се осигурате дека јадрото, плагините и темата на WordPress-от кој го користите редовно се ажурирани и не се пиратски (Најчеста причина за појава на проблеми поврзани со вируси на WordPress е употребата на кракувани/нулирани теми и плагини). Првиот чекор во заштитата на WordPress е да се ажурира до најновата објавена верзија, редовно да се врши промена на лозинките за најава како и плагините и темите кои не ги користите да бидат избришани.

За да избеднете хакирања и измама со е-пошта, спамирање и вируси следете ги следните правила:
– Надградете ја вашата WordPress (CMS) верзија, теми и плагини до најновата верзија за да ги обезбедите веб-страниците од познати слабости.
– Поставете силна лозинка за административн пристап на веб-страница, сметка за е-пошта и редовно менувајте ја лозинката.
– Не чувајте непотребни датотеки на хостингот.
– Избегнувајте да имате директориум / датотеки со дозвола 0777.
– Скенирајте го вашиот локален компјутер со добар антивирус.
– Во случај на вируси веднаш сменете ја лозинката за е-пошта.
– Не ја зачувувајте лозинката во кој било клиент за пошта или прелистувач.
– Скенирајте ја локалната машина (конфигуриран систем за е-пошта) за какви било малициозен софтвер или вирус.
– Продолжете со ажурирање на оперативниот систем и антивирусната програма со најновите верзии.
– Да смените лозинка за cPanel, FTP, сметка за е-пошта, итн.
– Користете FTP само во момент кога ви е потребен а потоа избришете ги креираните FTP сметки за пристап.

Доколку вашата страна биде хакирана пожелно е истата да биде целосно одстранета и рекреира од почеток со користење на најновата верзија на WordPress, валидна тема и плагини.
Доколку незнаете дали одреден плагин е добар или не прочитајте ги коментарите за истиот или побарајте коментари преку google.com.

Доколку серверот забележи присутство на вирус, хакирање или праќање на спам пораки може автоматски да го суспендира компромитираниот хостинг акаунт како превенција од понатамошни несакани дејствија.

Доколку вашиот хостинг е суспендиран поради вирус за негова повторна активација потребно е да ни пишете на info@zemi.mk.