Posts in the WordPress category

Како да промените лозинка за најава на WordPress преку phpMyAdmin?

By zemimk
In cPanel WordPress
With No Comments
On 7 Фев | '2023

Во оваа статија, ќе ви покажеме како лесно да ја ресетирате лозинката на WordPress од phpMyAdmin.

Зошто да ја ресетирате лозинката на WordPress преку phpMyAdmin?

WordPress има имплементирано многу лесен начин за ресетирање на изгубената лозинка. Можете едноставно да отидете на екранот за најавување на вашата веб-страница на WordPress и да кликнете на линкот „Ја изгубивте лозинката?“.

Кликнете на ‘Ја изгубивте лозинката?’

Кога ќе кликнете на линкот, ќе бидете пренасочени на страницата за ресетирање лозинка. Откако ќе го внесете вашето корисничко име или мејл адресата, WordPress ќе испрати линк за ресетирање на лозинката до мејл адресата од вашата сметка.

Меѓутоа, доколку немате пристап до мејл адреса, или доколку вашата WordPress страница не успее да ви испрати мејл, тогаш нема да можете да ја ресетирате вашата лозинка на овој начин.

Во ваква ситуација, ќе треба да ја ресетирате лозинката директно во базата на податоци. Најлесен начин да го направите тоа е со користење на phpMyAdmin алатката од cPanel.

Прво, треба да се најавите на контролниот панел од вашиот хоситнг (cPanel). Следно, треба да отидете во делот Бази на податоци каде што можете да кликнете на иконата phpMyAdmin.

Ова ќе ја стартува апликацијата phpMyAdmin каде што треба да ја изберете вашата база на податоци на WordPress.

Откако ќе се отвори phpMyAdmin од левата страна ќе ви бидат излистани креираните бази на вашиот хостинг. Отворете ја базата од страницата на која треба да ја ресетирате лозинката за најава. Од таа база треба да ја побарате табелата wp_users (често пати префиксот wp_ може да биде и друг) во оваа листа и да кликнете на линкот Browse веднаш до неа.

Сега ќе ги видите сите креирани корисници во оваа база. Одете напред и кликнете на копчето за уредување веднаш до корисничкото име чија лозинка сакате да ја промените.

PhpMyAdmin ќе ви покаже форма со сите полиња со информации за корисникот.

Ќе треба да ја избришете вредноста во полето user_pass и да ја замените со вашата нова лозинка. Под колоната за функции, изберете MD5 од паѓачкото мени и потоа кликнете на копчето Go на дното на формата.

Вашата лозинка ќе биде енкриптирана со помош на MD5 хашот и потоа ќе се зачува во базата на податоци.

Браво! Успешно ја променивте лозинката за најава на WordPress користејќи phpMyAdmin.

Најдобри бесплатни теми за WordPress

By zemimk
In WordPress
With No Comments
Tagged with бесплатни темплејти веб темплејти популарни wordpress теми
On 2 Јан | '2022

Сега кога веќе закупивте .mk домен и Веб хостинг од Земи.мк, а одлуката за платформа за креирање на вашата Веб страница падна на WordPress (супер избор), доколку не креирате дизајн од почеток, време е да ја изберете и најсоодветната тема за вашата страница. При креирање на листата во предвид беа земени три критериуми: да биде бесплатна, редовно да се надградува и да биде респонсивна, т.е. прилагодлива за работа на секаков уред (мобилен, десктоп, таблет…).

Во минатото веќе пишувавме за тоа како да инсталирате WordPress или тема. За да не се повторуваме, доколку прв пат се среќавате со WordPress кликнете овде, доколку не сте сигурни како да инсталирате тема на WordPress, кликнете овде.

Astra

Астра, како што и нескромно ја промовира компанијата е најпопуларната тема за WordPress, со повеќе од 1.6 милиони Веб страници кои се „возат“ на неа. Корисниците ја обожаваат поради високото ниво на приспособливост, одличните готови дизајни за почеток, кои се во навистина голем број, а можете да ги инсталирате со само неколку клика и да ги уредувате со бесплатниот Elementor „влечи и спушти“ билдер за WordPress теми, како и фокусот на девелоперите да ја оптимизираат Astra за работа со популарните додатоци или плагини во екосистемот на WordPress.

Neve

Neve е создадена за да и даде на вашата Веб страница свеж, привлечен изглед. Развиена според современите стандарди на WordPress (вклучувајќи ја компатибилноста со Гутенберг и Елементор), Neve е соодветен избор за секој претприемач бидејќи неговиот дизајн е повеќенаменски. Згора на тоа, темата доаѓа со 30+ готови почетни теми.

Airi

Airi е моќна, флексибилна и лесна тема за вашата нова корпоративна веб страница. Одликувајќи се со целосна интеграција на Elementor, оваа повеќенаменска тема е извонреден избор за секаков тип на компании или страници за „фриленсери“. Со модерниот изглед и многу можности за прилагодување, Airi е одлична тема ако сакате да креирате Веб страница од нула, или сакате да употребите некој предефиниран веб темплејт од нејзината огромна колекција, користејќи Elementor. Уште повеќе, темата нуди поддршка за WooCommerce, што го олеснува креирањето на веб продавници базирани на WordPress.

OceanWP

Целосно приспособлива тема, соодветна речиси за секаков вид на намена. Можете да ја користите за блогирање, бизнис, е-трговија, патувања или веб-страници за портфолио со избор на некоја од почетните демо теми. OceanWP има модерен дизајн, со одлични анимации и интерактивни секции. Секоја карактеристика, вклучувајќи ги и ефектите со паралакса, и дава на оваа тема привлечен изглед и нејзино место меѓу најдобрите бесплатни теми на WordPress.

Aronia

Aronia е бесплатна тема на WordPress со чист и модерен дизајн, соодветен за креирање на веб портфолио, како и деловни веб страници. Темата се состои од 3 демо теми кои се подготвени за употреба и се целосно компатибилни со најпопуларниот билдер за WP теми, Elementor. Со помош на Elementor ќе можете лесно да го прилагодите изгледот на вашата веб страница.

Aronia е компатибилна со неколку корисни плагини, лесно се приспособува и e целосно респонсивна.

Зошто да го изберете WordPress како платформа за вашата Веб страница?

By zemimk
In WordPress Инфо
With No Comments
On 2 Јан | '2022

Во моментот на пишување на оваа објава, а најверојатно и во годините кои доаѓаат WordPress останува на врвот на најкористени платформи за изработка на Веб страници. Епитетот „крал“ на Веб просторот не го добил бадијала. Долга е листата придобивки кои доаѓаат со користењето на овој CMS (Content management system). Еве дел од нив.

WordPress е бесплатен

WordPress е бесплатен софтвер. Тоа значи дека можете слободно да го преземате, инсталирате, користите и менувате за да одговара на вашите потреби. Можете да го користите за да креирате секаков вид веб страници.

Додека самиот софтвер на WordPress е бесплатен, ви треба домен и веб хостинг за да го инсталирате. За таа намена погледнете ги нашите основни хостинг пакети кои се оптимизирани за WordPress.

Домен е адресата на вашата веб страница на интернет, она што вашите корисници го пишуваат во лентата за адреси на нивниот прелистувач за да пристапат до вашата веб-страница (на пример, zemi.mk).

Веб хостингот е пак простор на сервер кој е достапен 24/7, каде што се чуваат сите фајлови и бази на вашата веб-страница.

WordPress е лесен за користење

И покрај тоа што е најфлексибилна и најмоќна платформа, WordPress е прилично лесен за користење за почетници.

Доаѓа со едноставна контролна табла со различни опции наведени во страничната лента. Можете лесно да креирате објави и страници, да го менувате изгледот на вашата веб страница, да додавате менија за навигација и многу повеќе.

WordPress може целосно да се прилагоди на вашите потреби

Најголем дел од корисниците на WordPress не се ниту веб дизајнери, ниту програмери. Всушност, повеќето почнуваат да користат WordPress без никаква претходна техничка подготовка.

WordPress е совршено решение за новајлии бидејќи има илјадници бесплатни теми (готови дизајни за вашата веб страница) од кои можете да изберете. Постои совршена тема на WordPress за речиси секој вид веб страница (без разлика дали е блог, корпоративна страница или продавница).

Темите на WordPress се лесни за приспособување бидејќи многу од нив доаѓаат со сопствен панел со опции што ви овозможуваат да ги менувате боите, да го прикачите вашето лого, да ја менувате позадината, да создавате прекрасни слајдери и вистински да го приспособите на вашите потреби, без воопшто да пишувате код.

WordPress е безбеден за користење

WordPress е сериозно развиван во поглед на зачувување на безбедноста на вашата веб страница.

Сепак, постојат голем број на плагини кои дополнително можат да ја зголемат безбедноста на страниците изработени во WordPress, како што се WordFence, Securi и други.

Зад WordPress стои силна заедница од илјадници корисници, програмери и мали бизниси. Како заедница, сите тие гарантираат дека WordPress е тука да остане на долги патеки.

Како да зголемам максимална дозволена големина за прикачување фајлови (Upload Max Filesize) преку cPanel?

By zemimk
In cPanel WordPress Инфо
With No Comments
Tagged with .mk domen besplaten domen hosing MultiPHP upload_max_filesize wordpress wordpress tema
On 15 Окт | '2021

Кога извршувате апликација, скрипта, плагини, па дури и прикачувате датотека или тема преку PHP (WordPress или некоја друга скрипта), понекогаш може да се соочите со грешка кога ќе надмините некое ограничување поставено од вашиот веб-сервер. Во овој туториал ќе научите како да ја поправите грешката со зголемување на максимално дозволената големина за прикачување на датотеки upload_max_filesize преку вашиот Zemi.mk cPanel.

За да го направите ова најпрво најавете се на вашиот Zemi.mk cPanel потоа во делот Software избирате MultiPHP INI Editor:

Следно од листата го избирате доменот за кој сакате да ја промените вредноста на upload_max_filesize:

По избор на доменот во долниот дел од отворената страница барате upload_max_filesize, од десно ја внесувате новата посакувана вредност и за крај кликате „Apply“. Буквата „М“ означува мегабајти (Mb).

Доколку сеуште имате проблем при прикачувањето на датотеки обидете се со промена на upload_max_filesize преку .htaccess фјалот. Туторијалот за промена на upload_max_filesize преку .htaccess можете да го прочитате на следниот линк.

Како да промените WordPress тема преку myphpadmin?

By zemimk
In cPanel WordPress Инфо
With No Comments
Tagged with .mk domen aktivacija na tema vo wordpress instalacija na tema kako da instaliram wordpress tema makedonski hositng promena na wordpress tema web hosting wordpress активација на тема веб хостинг македонски хостинг
On 11 Окт | '2021

Добредојдовте во уште еден туторијал за тоа Како да промените WordPress тема преку „myphpadmin“ брзо и лесно.

Пред да започнеме со промена на тема најпрво треба да ја најдеме локацијата каде вашата WordPress страница е инсталирана. Доколку сеуште немате инсталирано WordPress тоа можете да го направите брзо и едноставно со следење на упатството од следниот линк.

Промена на WordPress тема преку „myphpadmin“ е толку едноставно што целата процедура е во два чекори.

Чекор 1 – Oтворете „File Manager“

Отворето го фајл менаџерот „File Manager“ од вашиот Zemi.mk cPanel контролен панел.

Првото нешто што треба да направите е да го пронајдете името на вашата база на податоци од WordPress страницата за која сакате да промените тема. За да го направите ова, одете до „File Manager-от“, отворете ја датотека wp-config.php во вашиот директориум public_html. Најдете го најдете името на базата што вашата веб страница ја користи со брање на редот со код каде има напишано DB_NAME:

Додека сме во „File Manager-от“ следно ќе ја отвориме локацијата на директориумите каде се поставуваат фајловите од темите кој се достапни на вашата WordPress инсталација. За да го направиме ова потребно е да влеземе во директориумот со следната патека /wp-content/themes. Овде ќе ги најдете сите достапни теми кои можат да бидат активирани на вашата WordPress страница. Ќе претпоставиме дека сакаме да ја активираме темата „newsport“.

Чекор 2 – Oтворете „myphpadmin“

Следен чекор што треба да направите е преку cPanel контролниот панел на Zemi.mk, најдете ја алатката „myphpadmin“ и отворете ја.

Откако ќе влезете во „myphpadmin“ од лева страна ќе ви бидат излистани сите бази на податоци кои ги имате креирано преку вашиот хостинг. Со инсталација на WordPress автоматски се креира базата потребна за работа. Ја наоѓате базата со исто име од DB_NAME од чекор еден и кликате на знакот „+“. Со кликање на плусот ќе се отворат сите табели креирани во таа база, ја наогате табелата „wp_options“ и ја избирате истата со кликање на неа. Потоа низ колоните ги барате „template“ и „stylesheet“ редовите за кои ќе имате вредност иста со името на моментално активната тема:

Тоа што треба следно да се направи е да кликнете два пати на името на темата кое во моментов е внесено во табелата и да го заменет со името на темата која сакате сега да ја активате. Во случајов „newsport“.

За зачувување само кликнете надвор од текстуалното поле.

Честитки, сега вашата WordPress тема е променета.

Доколку сакате да знаете како да активирате нова тема преку самата WordPress платформа проследете го упатството на следниот линк.

Како да поставите WordPress тема?

By zemimk
In WordPress Инфо
With No Comments
Tagged with .mk domen instalacija na tema instalacija na wordpress kako da instaliram wordpress tema makedonski hositng promena na wordpress tema themeforest themplatemonster wordpress wordpress tema хостинг
On 8 Окт | '2021

Овој туторијал ќе Ви помогне при инсталацијата и активирање на WordPress тема. Инсталацијата на темата може да биде на два начини и тоа: со избор од каталогот на теми преку самиот WordPress или, со прикачување на тема која ја имате купено од трета страна. За избор на платени премиум теми советуваме да разгледате на ThemeForest или TemplateMonster.

Најпрво ќе го објасниме процесот за инсталација на тема од каталогот на теми на WordPress.

Чекор 1

По успешна најава на администраторскиот дел од WordPress од менито од лева страна избирате Appearance->Themes или доколку е на македонски јазик Изглед->Теми.

Чекор 2

Ова ќе ве однесе во делот „Appearance“ или на македонски „Изглед“ на WordPress каде се листаат моментално инсталираните теми на вашиот WordPress. За да додадете нова тема избирате „Add New“. Ова копче најчесто е најдолу.

Чекор 3

Овде можете да пребарувате тема со користење на „Feature filter“ напредниот филтер и за крај избирате „Apply Filters“. Следно ќе ви се излистаат темите филтрирани според избраните карактеристики во филтерот претходно. Откако ќе ја изберете темата која ви се допаѓа кликате „Install“.

Чекор 4

Инсталацијата на темата може да потрае зависно од тоа колку е истата голема. Откако темата ќе се инсталира потребно е да ја активирате со кликање на копчето „Activate“.

Сега темата е активна и можете да продолжите со нејзино користење.

Што да направите доколку веќе имате купено тема и сакате истата да ја прикачите и активирате на вашата WordPress страна?

Доколку веќе сте купиле тема и истата ја имате на вашиот локален компјутер потребно е да ја прикачите и активирате. Првиоте два чекори се исти како претходно поради што нема да ги повторуваме.

Чекор 3

На овој чекор потребно е да ја прикачиме темата од локален компјутер. Темата треба да биде во компресиран фајл (.zip). За тоа да го направиме потребно е да кликнеме на копчето „Upload Theme“, го одбираме .zip фајлот до темата и го прикачуваме.

Во процесот на прикачување на темата задолжително чувајте го прозорецот од вашиот пребарувач отворен, во спротивно прикачувањето нема да биде успешно. Откако темата ќе се прикачи целосно истата ја активираме исто како и на Чекор 4 од претходно.

Забелешка:

При процесот на прикачување на темата многу често може да се случи грешка поради надминат максимален лимит за прикачување (Upload Max Filesize). За да го зголемите максимално дозволениот лимит за прикачување на фајл прочитајте го упатството од следниот линк.

Како сам да направам Веб сајт?

By zemimk
In WordPress Инфо
With One Comment
Tagged with kako da kreirate veb strana kako da napravam veb sajt како сам да направам веб страница
On 6 Окт | '2021

Доколку се прашувате како сами да креирате веб страница, а притоа немате техничко познавање, нути знаете програмски јазици или да дизајнирате веб страни, имаме добри вести за вас. Погледнете го нашиот последен видео туторијал за тоа како самите, без буџет, да направите веб сајт, со помош на бесплатни алатки и алатките кои ви се достапни со хостинг пакетите од Земи.мк.

Во овој туторијал ги користевме WordPress, бесплатниот „влечи и спушти“ веб билдер „Elementor“, како и бесплатна WordPress тема, „Astra“.

Креирањето на веб страница со триото WordPress, „Елементор“ и „Астра“ е навистина едноставно и интуитивно. Се што ви е потребно е малку фантазија и желба. Кој знае, можеби во вас се крие следниот македонски веб дизајнер на годината. Направете си дупло еспресо и почнуваме!

За креирање на страница со „Елементор“ претходно, потребно е да имате инсталирано WordPress на вашиот домен. Како да инсталирате WordPress можете да прочитате овде.