Со цел да обезбедиме брз, едноставен и сигурен начин за регистрација на .mk домени, Zemi.mk овозможува електронско потпишување на Барање за регистрација на .mk домен преку мобилната апликација Evrotrust.

Овој процес овозможува целосно дигитализирана регистрација без потреба од физичко потпишување или испраќање на документи по пошта. Корисниците можат од било каде и во секое време да го потпишат своето барање и веднаш да го финализираат процесот на регистрација на домен.

За далечинско електронско потпишување, Zemi.mk користи два интегрирани сервиси:

Evrotrust – Акредитиран давател на доверливи услуги и квалификувани електронски потписи, управуван од Evrotrust Technologies AD, компанија регистрирана во Бугарија. Evrotrust е целосно усогласен со Регулативата (ЕУ) 910/2014 (eIDAS), што гарантира правна важност на електронските потписи во целата Европска Унија. Оваа платформа овозможува лесно идентификување и потпишување на документи преку мобилната апликација.

Evrotrust е акредитиран издавач на шема за електронска идентификација од страна на Министерството за информатичка терхнологија. Листата со акредитирани даватели на услуги можете да ја најдете на следниот линк: https://trusteid.mdt.gov.mk/registar_listi/.
eIDEasy – Сервис за автоматско генерирање и управување со електронски потписи, кој ја поврзува Evrotrust со нашата регистрациона платформа. Овој систем е развиен и одржуван од SignWise Services OÜ, компанија регистрирана во Естонија, и е целосно усогласен со Регулативата (ЕУ) 910/2014 (eIDAS), овозможувајќи сигурно и правно признато потпишување низ цела Европа.

Со оваа комбинација, целиот процес на регистрација е безбеден, усогласен со законските регулативи и исклучително едноставен за крајниот корисник.

Како да ја инсталирате и користите мобилната апликација на Evrotrust?

За да можете да го потпишете БЕСПЛАТНО вашето Барање за регистрација на .mk домен, потребно е да ја преземете и активирате апликацијата Evrotrust на вашиот мобилен уред.

Преземете ја апликацијата Evrotrust:

Чекори за користење:

1. Преземете ја и инсталирајте ја апликацијата од App Store или Google Play.
2. Регистрирајте се со вашите лични податоци и завршете ја верификацијата според упатствата во апликацијата.
3. Приклучете го вашиот квалификуван електронски потпис, следејќи ги насоките за идентификација.
4. Кога ќе поднесете Барање за регистрација на домен преку Zemi.mk, ќе бидете запрашани да го внесете телефонскиот број со кој сте регистрирани на Evrotrust.
5. По внесување на бројот, на вашата Evrotrust апликација ќе добиете известување дека ви е достапен нов документ за потпишување.
6. Отворете ја апликацијата, потпишете го документот и системот на Evrotrust автоматски ќе нè извести дека Барањето е потпишано.
7. По проверка од наша страна, доколку утврдиме дека Барањето е уредно поднесено и потпишано, .mk доменот ќе биде регистриран.

Видео упатство за инсталација и користење на Evrotrust апликацијата.

Во целиот процес, Zemi.mk не обработува и чува копии од вашите документи за лична идентификација.

Полисата за приватност можете да ја најдете на следниот линк.

Од 11-ти февруари 2025 година (вторник), стапува во сила новиот Правилник на МАРнет, кој носи значајни промени во процесот на регистрација на .mk домени. Како и досега, Земи.мк останува посветен на тоа да ви овозможи најбрз, најсигурен и наједноставен начин за регистрација и управување со вашите домени.

Што се менува?

Регистрација со електронски потпис

Отсега, регистрацијата на .mk домени ќе се врши со БЕСПЛАТНО електронско потпишување на Барањето за регистрација на .mk домени. Земи.мк интегрира современа, безбедна и брза шема за електронско потпишување, базирана на решенија од Evrotrust.

Како функционира потпишувањето?

Повеќе информации за процесот на електронско потпишување можете да најдете овде: Процес на електронска идентификација и потпишување

Во Земи.мк секогаш гледаме на промените како можност за унапредување. При усогласување со новата регулатива, успеавме да го сведеме целиот процес на електронско потпишување на само еден дополнителен чекор, правејќи го регистрациониот процес едноставен, брз и максимално сигурен.

Регистрација на .mk домени за правни лица

За правните лица, покрај верификацијата на овластеното лице преку квалификуван електронски потпис, сега ќе биде потребно и поднесување на Потврда за тековна состојба на субјектот.

Нови критериуми за регистрација на .mk домени

Право на регистрација на .mk домени имаат само физички лица со престојувалиште во С. Македонија, и сите правни лица, домашни и странски.

Новите правила не се однесуваат на веќе регистрираните домени.

Нов редизајниран кориснички портал

Со цел да ги усогласиме сите новитети со новиот Правилник, воведовме и целосно редизајниран и подобрен кориснички портал, кој овозможува полесно и поефикасно управување со вашите домени.

Нови функционалности во порталот:

✔ Респонзивен дизајн – комплетно прилагоден за работа на сите уреди (десктоп, таблет, мобилен).

✔ Подобрена DNS контрола – полесно управување со вашите домени и записи.

✔ Едноставен и брз процес на електронско потпишување – беспрекорно интегриран со новите барања.

✔ Поддршка за повеќе билинг контакти – овозможува подобра организација и контрола на вашите фактури и плаќања.

Промена на Условите за користење

Со воведувањето на новите правила, направени се и ажурирања во Условите за користење на Zemi.mk.

Променетите услови за користење можете да ги најдете на следниот линк:

Ажурирани Услови за користење

Продолжуваме да работиме напорно за да го направиме Земи.мк уште подобар за вас.

За сите дополнителни информации, нашиот тим е на располагање.

Со почит,

Земи.мк – Вашиот доверлив партнер за .mk домени